ပွင့်လင်းမြင်သာမှုနှင့်ပတ်သတ်၍ကျွန်တော်တို့၏ကြိုးစားအားထုတ်မှုများ

ကျွန်တော်တို့အနေနှင့်ယုံကြည်မှုဆိုသည်မှာတည်ဆောက်ယူရသောအရာဖြစ်သည်ဟုခံယူ ထားပါသည်။ IPFD အနေဖြင့်မိမိတို့ရရှိသောအရင်းအမြစ်များကိုမည်သည့်နေရာတွင် အကျိုး ရှိစွာအသုံးပြုထား သည်၊အသုံးပြုနေသည်ကိုပွင့်လင်းစွာအသိပေးဖော်ပြ ရန်လိုအပ်သကဲ့သို့ မည်သည့်ရလဒ်များ အကောင်အထည်ဖော်နိုင်ခဲ့သည်ကိုဖော်ပြရန်တာဝန် ရှိသည်ဟုအမြဲခံယူ ထားပါသည်။

IPFD အားအမေရိကန်နိုင်ငံတွင်အခြေစိုက်၍အကျိုးအမြတ်မယူသောအဖွဲ့အစည်း အဖြစ်မှတ်ပုံတင်ရခြင်းရည်ရွယ်ချက်မှာ မြန်မာ့ဒီမိုကရေစီအရေးလှုပ်ရှားမှုများအတွက်ယုံ ကြည်စိတ်ချရပြီးတာဝန်ခံမှုရှိသောအဖွဲ့အစည်းများလိုအပ်ခြင်းကြောင့်ဖြစ်ပါသည်။ သို့မှသာ အဖွဲ့အစည်းစီမံခန့်ခွဲမှု့၊ဘဏ္ဍာငွေစီမံခန့်ခွဲမှု့နှင့်လုပ်ထုံးလုပ်နည်းများအ ပါအဝင် အခြားသောစံချိန်စံနှုန်းများကိုပြည့်မှီနိုင်မည်ဖြစ်ပြီးသို့မှသာနိုင်ငံတကာရှိအစိုးရများ၊ ဖောင်ဒေးရှင်းများ၊ မိတ်ဖက်အဖွဲ့အစည်းများနှင့်လက်တွဲဆောင်ရွက်နိုင်မည် ဖြစ်ပါသည်။

၂၀၂၅ ခုနှစ် ဒီဇင်ဘာ ၃၁ ရက်နေ့အထိ IPFD ၌လက်ကျန်၊ ကျန်ရှိသောရန်ပုံငွေမှာ ဒေါ်လာ ၁၅,၅၇၅ ဖြစ်ပါသည်။ ၂၀၂၆ ဇန်နဝါရီလ ၁ ရက်နေ့မှ ၂၀၂၆ ခုနှစ် ဇွန်လ ၃၀ ရက်နေ့အတွင်း IPFD သည် ဒေါ်လာ ၄၈,၃၃၇ ကိုအလှူငွေအဖြစ်ထပ်မံလက်ခံရရှိခဲ့ပြီး၊ ၂၀၂၆ခုနှစ် ဇွန်လ ၃၀ ရက်နေ့အထိ ဒေါ်လာ ၅၈,၉၁၇ အား IPFD ၏လုပ်ငန်းဆောင်များဆောင်ရွက်ရန်အသုံးပြုခဲ့ပြီးလက်ကျန်ငွေ စုစုပေါင်းမှာ ဒေါ်လာ ၄,၉၅၅ ဖြစ်ပါသည်။ တနည်းအားဖြင့်အသုံးစရိတ်အားလုံး၏ ၉၇ ရာခိုင် နှုန်းအားရည် မှန်းထားသောလုပ်ငန်းစဉ်များတွင်အသုံးပြုခဲ့ပြီး ၃ ရာခိုင်နှုန်းသာလျှင်စီမံခန့်ခွဲမှုအ တွက်အသုံးပြုခဲ့ပါသည်။

IPFD အားထည့်ဝင်လှူဒါန်းသောအကူအညီများအားလုံးသည်မြန်မာဒီမိုကရေစီအရေးနှင့် ပတ်သတ် သောအသံများကို နိုင်ငံတကာမှအစဉ်ကြားသိနေစေရန်၊ မြန်မာပြည် တွင်း၌ဒီမိုကရေစီအရေးအတွက် အတူတကွလှုပ်ရှားဆောင်ရွက်ခြင်းများတွင်ပိုမိုပူးပေါင်း ဆောင်ရွက်မှုများဖြစ်ပေါ်လာစေရန်နှင့် တည်တံ့ခိုင်မြဲသောငြိမ်းချမ်းရေးရရှိပြီး အနာဂါတ်ဖက်ဒရယ်ဒီမိုကရေစီနိုင်ငံတည်ထောင်ရေးတွင်လို အပ်သောအခြေခံအုတ်မြစ်များ ချမှတ်နိုင်ရန်အတွက်လုပ်ငန်းစဉ်များဆောင်ရွက်ရာတွင်အကူအညီများရောက်ရှိအောင် ဆောင်ရွက်သွားပါမည်ဟုအာမခံအပ်ပါသည်။