ဖက်ဒရယ်ဒီမိုကရေစီအုပ်ချုပ်ရေးဆီမှသည် ငြိမ်းချမ်းရေးဆီသို့
ငြိမ်းချမ်ရေးနှင့်ဖက်ဒရယ်ဒီမိုကရေစီအင်စတီတျူ့ (IPFD) သည်မြန်မာပြည်သူများကိုယ်တိုင်ဦးဆောင်ပါဝင်သောမူဝါဒရေးရာနှင့် အုပ်ချုပ်ရေးဆိုင်ရာကိစ္စရပ်များနှင့်ပတ်သတ်သောလုပ်ငန်းစဉ်များအကောင်အထည်ဖော်ရန်ဖွဲ့စည်းထားသောအဖွဲ့အစည်းတစ်ခုဖြစ်ပါသည်။ IPFD သည်မြန်မာပြည်သူများအတွက်နိုင်ငံတကာအကူအညီများရရှိရန်၊မြန်မာပြည်တွင်းရှိဖက်ဒရယ်ဒီမိုကရေစီအရေးဆောင်ရွက်နေကြသူများအကြားပူးပေါင်းဆောင်ရွက်မှုများပိုမိုအားကောင်းလာအောင်ဆောင်ရွက်ရန်နှင့်အနာဂါတ်ဖက်ဒရယ်ဒီမိုကရေစီနိုင်ငံတော်ကြီးတည်ဆောက်ရေးအတွက်လက်တွေ့ကြသောအခြေခံအုတ်မြစ်များတည်ဆောက်ရာတွင်အကူအညီပေးနိုင်ရန်အတွက်ရည်ရွယ်ဖွဲ့စည်းထားပါသည်။
ဘာကြောင့် IPFD ရှိရန်လိုအပ်သလဲ
၂၀၂၁ ခုနှစ်မှစတင်၍ မြန်မာနိုင်ငံ၏ နိုင်ငံရေး အခြေအနေသည် အပြောင်းအလဲများစွာဖြစ်ပေါ်ခဲ့ပြီး နိုင်ငံတဝန်းရှိ ဒေသန္တရ အုပ်ချုပ်ရေးအဖွဲ့အစည်းများ၊ တိုင်းရင်းသားအုပ်ချုပ်ရေး အဖွဲ့အစည်းများ နှင့်အရပ်ဖက်အခြေပြု ကွန်ယက်များသည် ကာလရှည်ကြာစွာဖြစ်ပေါ်နေသော ပဋိပက္ခများအောက်တွင် ကြိုးစားရပ်တည်လှုပ်ရှားဆောင်ရွက်နေကြရသည်။
IPFD အနေဖြင့်အနာဂါတ်တွင် ငြိမ်းချမ်းသောဖက်ဒရယ်ဒီမိုကရေစီစနစ်ပေါ်ထွန်းလာစေရေးအတွက်လက်တွေ့ကြသောအခြေခံအုတ်မြစ်များတည်ဆောက်ရာတွင်အကူအညီများပေးနိုင်ရန်အတွက်ရည်ရွယ်၍တည်ထောင်ထားခြင်းဖြစ်ပါသည်။
ထိုသို့အခြေခံအုတ်မြစ်များတည်ဆောက်ရေးအတွက်မြန်မာပြည်သူများအတွက်နိုင်ငံတကာအကူအညီများရရှိရန်၊မြန်မာပြည်တွင်းရှိဖက်ဒရယ်ဒီမိုကရေစီအရေးဆောင်ရွက်နေကြသူများအကြားပူးပေါင်းဆောင်ရွက်မှုများပိုမိုအားကောင်းလာအောင်ဆောင်ရွက်ရန်နှင့်ပြည်ပရောက်တိုင်းရင်းသားညီအစ်ကိုမောင်နှမများ၏ ကျွမ်းကျင်မှုအရည်အချင်းများ၊ကွန်ယက်များ နှင့်အရင်းအမြစ်များအားမြန်မာ့ဒီမိုကရေစီအရေးလှုပ်ရှားမှုများတွင်ချိတ်ဆက်မှုများရှိလာရန်ဆောင်ရွက်လျက်ရှိပါသည်။
IPFD သည်အမေရိကန်နိုင်ငံတွင် အကျိုးအမြတ်မယူသောအဖွဲ့အစည်း [ 501 (C)(3)] အဖြစ်မှတ်ပုံတင်ထားပြီးမြန်မာပြည်သူများမှဦးဆောင်သောမူဝါဒရေးရာ၊အုပ်ချုပ်ရေးဆိုင်ရာကိစ္စရပ်များနှင့်အချင်းချင်းပူးပေါင်းဆောင်ရွက်မှုများဖြစ်ပေါ်ရန်အတွက်ကူညီဆောင်ရွက်ရန်ဖွဲ့စည်းထားသောအဖွဲ့အစည်းဖြစ်ပါသည်။
IPFD ဘာတွေလုပ်နေလဲ
မြန်မာပြည်သူများအတွက်နိုင်ငံတကာအကူအညီများ၊ထောက်ခံမှုများရရှိရန်ဆောင်ရွက်ခြင်း
စစ်အာဏာရှင်၏မမှန်မကန်သတင်းအချက်အလက်များနှင့်အလိမ်အညာများဖုံးလွှမ်းနေသောဝါဒဖြန့်ချီရေးသတင်းစကားများအား မြန်မာပြည်သူများ၏ဒီမိုကရေစီလှုပ်ရှားမှုများနှင့်ပတ်သတ်သောပကတိသတင်း၊စကားသံများဖြင့်တုံ့ပြန်ချေဖျက်ခြင်း။ နိုင်ငံတကာအစိုးရများ၊ အလှူရှင်အဖွဲ့အစည်းများမှမြန်မာ့အရေးနှင့်ပတ်သတ်၍စိုးရိမ်ပှုပန်မှုများအားလက်တွေ့ကျသောလုပ်ဆောင်ချက်များအဖြစ်သို့ပြောင်းလဲနိုင်ရန်ကြိုးစားဆောင်ရွက်ခြင်း။
မြန်မာနိုင်ငံအတွင်းရှိမိတ်ဖက်အဖွဲ့အစည်းများအကြားပူးပေါင်းဆောင်ရွက်ခြင်း
ဒီမိုကရေစီအရေးအရေးလှုပ်ရှားမှုများတွင်ပါဝင်သောမဟာမိတ်များအကြားပူးပေါင်းဆောင်ရွက်မှုများအားကောင်းအောင်ဆောင်ရွက်ခြင်း။ စိန်ခေါ်မှု၊ဖိအားများစွာအောက်တွင်ရုန်းကန်လှုပ်ရှားဆောင်ရွက်နေသောလူထုအဖွဲ့အစည်းများအားအကူညီများပေးနိုင်ရန်နှင့်အနာဂါတ်ဖက်ဒရယ်ဒီမိုကရေစီနိုင်ငံတော်တည်ဆောက်ရေးတွင်အခြေခံအုတ်မြစ်များချမှတ်နိုင်ရန်အတွက်သက်ဆိုင်သူအားလုံးအတူတကွပါဝင်ဆောင်ရွက်နိုင်သောယန္တရားတစ်ရပ်ပေါ်ပေါက်လာရန်ဆောင်ရွက်ခြင်း။
ပြည်ပရောက်တိုင်းရင်းသားညီအစ်ကိုမောင်နှမအားလုံးပူးပေါင်းပါဝင်မှုအားကောင်းလာရန်ဆောင်ရွက်ခြင်း
ကမ္ဘာအနှံ့ရှိတိုင်းရင်းသားညီအစ်ကိုမောင်နှမများ၏ ကျွမ်းကျင်မှုများ၊ အရင်းအမြစ်များနှင့်ကွန်ယက်များအားပိုမိုချိတ်ဆက်အောင်ရွက်ခြင်း။ ထို့မှတဆင့်မြန်မာ့အရေးနှင့်ပတ်သတ်သောကိစ္စရပ်များနှင့်ပတ်သတ်၍တင်ပြတောင်းဆိုမှုများ၊မိတ်ဖက်ချိတ်ဆက်ဆောင်ရွက်မှုများ၊ရံပုံငွေရရှိရေးလှုပ်ရှားမှုများနှင့်၊ အနာဂါတ်ဖက်ဒရယ်ဒီမိုကရေစီနိုင်ငံတော်တည်ဆောက်ရေးအတွက်ပံ့ပိုးမှု၊အကူအညီများအားကောင်းလာစေရန် ဆောင်ရွက်ခြင်း။
ဘာကြောင့်အရေးကြီးသလဲ
ငြိမ်းချမ်းရေးနှင့်ဖက်ဒရယ်ဒီမိုကရေစီတို့သည်နိုင်ငံရေးသဘောတူညီချက်များစသည့်တို့ဖြင့်တစ်ခုတည်းတည်ဆောက်၍ရရှိနိုင်မည်မဟုတ်ပါ။ အချင်းချင်းအကြားယုံကြည်မှု၊အတူတကွပူးပေါင်းဆောင်ရွက်မှု၊တာဝန်ခံမှုရှိသောရှိသောအဖွဲ့အစည်းအဖြစ်ရပ်တည်ဆောင်ရွက်မှု နှင့်အားလုံးရင်ဆိုင်နေရသောအခက်အခဲများကိုအတူတကွဖြေရှင်းဆောင်ရွက်နိုင်စွမ်းများမှတဆင့်တည်ဆောက်ရယူရပါမည်။
မြန်မာနိုင်ငံအတွင်းအချင်းချင်းပူးပေါင်းဆောင်ရွက်မှုများအားကောင်းခိုင်မာမှုမရှိခြင်းနှင့်နိုင်ငံတကာမှစဉ်ဆက်မပြတ်ထောက်ခံကူညီပံ့ပိုးမှုများရှိမနေပါက အင်အားစုများ၊ဒီမိုကရေစီအရေးလှုပ်ရှားမှုများမှာစုစည်းမှုမရှိပဲ တကွဲတပြားဖြင့်အစိတ်အပိုင်းများအဖြစ်ဆက်လက်တည်ရှိနေမည်ဖြစ်ပြီး၊ အခွင့်အရေးများလည်းဆုံးရှုံးကာ ပြည်သူလူထုမှာလည်း အခက်အခဲဖိအားများအောက်တွင်ဆက်လက်ရပ်တည်နေရမည်ဖြစ်ပါသည်။
IPFD အနေဖြင့်မြန်မာနိုင်ငံအားငြိမ်းချမ်းသောဖက်ဒရယ်ဒီမိုကရေစီအနာဂါတ်သို့ရောက်ရှိရန်လက်တွေ့ကျသောအခြေခံအုတ်မြစ်များအားကောင်းလာစေရန်ကူညီဆောင်ရွက်လျက်ရှိပါသည်။